UEFA 2018–2019-yilgi mavsumda Chempionlar Ligasi o‘yinlarining boshlanish vaqtini o‘zgartirish masalasini ko‘rib chiqadi. Bu haqda o‘z manbalariga tayangan holda “TASS” xabar bermoqda.
Hozirgi mavsumda Liga uchrashuvlari Markaziy Yevropa vaqti bilan soat 20:45 da boshlanadi. Endilikda UEFA o‘yin boshlanishi uchun ikkita vaqt — 19:00 va 21:00 ni belgilash masalasi ustida bosh qotirmoqda.
“Bu o‘zgarishlar futbol shinavandalariga o‘yinlarni tomosha qilishga ko‘proq imkoniyat bergan, teletranslyatsiya huquqini sotishdan olinadigan daromad hajmini oshirgan bo‘lardi”, — deyiladi tashkilot bayonotida.
Ta’kidlanishicha, bu borada hali aniq qaror qabul qilinmagan. Bu mavzu kelajakda muhokama qilinadi.
Izoh (0)