Belarus prezidenti Aleksandr Lukashenko 24-avgust, chorshanba kuni amerikalik taniqli aktyor Stiven Sigal bilan norasmiy uchrashuv o‘tkazdi. Bu haqda mamlakat rahbari matbuot kotibi Natalya Eysmont ma’lum qildi, deb xabar bermoqda “TASS”.
“Bugun prezident bilan norasmiy uchrashuv bo‘lib o‘tdi. Stiven Sigal Aleksandr Lukashenko bilan uchrashishni ko‘pdan buyon orzu qilgan va Minskka yo‘l olayotib, u bilan uchrashuv tashkil etilishini so‘ragan”, – dedi Lukashenkoning matbuot kotibi. Aktyorning so‘zlariga ko‘ra, Sigalning Belarusda ajdodlari bo‘lgani uchun ham ushbu mamlakatga munosabati o‘zgacha.
Aktyor Belarusning onlayn o‘yinlar yaratadigan Wargaming kompaniyasi bilan hamkorlik qiladi. Sigal Minskka tashrifi chog‘ida shahar bo‘ylab ekskursiya qildi va Belarus oshxonasi bilan tanishdi.
Izoh (0)