Беларусь президенти Александр Лукашенко 24 август, чоршанба куни америкалик таниқли актёр Стивен Сигал билан норасмий учрашув ўтказди. Бу ҳақда мамлакат раҳбари матбуот котиби Наталья Эйсмонт маълум қилди, деб хабар бермоқда «ТАСС».
«Бугун президент билан норасмий учрашув бўлиб ўтди. Стивен Сигал Александр Лукашенко билан учрашишни кўпдан буён орзу қилган ва Минскка йўл олаётиб, у билан учрашув ташкил этилишини сўраган», – деди Лукашенконинг матбуот котиби. Актёрнинг сўзларига кўра, Сигалнинг Беларусда аждодлари бўлгани учун ҳам ушбу мамлакатга муносабати ўзгача.
Актёр Беларуснинг онлайн ўйинлар яратадиган Wargaming компанияси билан ҳамкорлик қилади. Сигал Минскка ташрифи чоғида шаҳар бўйлаб экскурсия қилди ва Беларусь ошхонаси билан танишди.