Kecha — 23-avgust kuni futbol bo‘yicha Yevropa Chempionlar Ligasining guruh bosqichiga yo‘llanma olishi kerak bo‘lgan 10 ta klubdan 5 tasining nomi aniq bo‘ldi.
Italiya vakili “Roma” Chempionlar Ligasi bilan xayrlashdi. Safarda “Portu” bilan 1:1 hisobida durang o‘ynagan Rim klubi, o‘z maydonida javobsiz 3 ta gol qabul qilib oldi. Bellashuvning 50-daqiqasiga kelib polshalik hakam Shimon Morchinyak A seriya klubining ikki nafar futbolchisini maydondan chetlatib ulgurgandi.
Ispaniya La Ligasining so‘nggi mavsumini kuchli to‘rtlikda yakunlagan “Vilyarreal” ham xalqaro maydondagi ishtirokini “Roma” kabi Yevropa Ligasida davom ettiradi. “Sariq suvosti kemasi” “Monako”dan har ikki o‘yinda ham yengilib, qit’a klublarining eng nufuzli turniri guruh bosqichi bilan xayrlashdi.
Yevropa Chempionlar Ligasining guruh bosqichiga Bolgariyaning “Ludogorets”, Shotlandiyaning “Seltik” hamda Polshaning “Legiya” klublari ham yo‘llanma oldi.
Bugun — 24-avgust kuni guruh bosqichida ishtirok etishi kerak bo‘lgan so‘nggi besh klub nomiga oydinlik kiritiladi.
Yevropa Chempionlar Ligasi Pley-off raundi 23-avgust, seshanba
“Xapoel Baer-Sheva” (Isroil) — “Seltik” (Shotlandiya) 2:0
Gollar: Saar, 21 (1:0). Xoban, 48 (2:0).Dastlabki o‘yin: 2:5
“Viktoriya Plzen” (Chexiya) — “Ludogorets” (Bolgariya) 2:2
Gollar: Dyurish, 7 (1:0). Vura, 16 (1:1). Mateyu, 64 (2:1). Kesheryu, 90 (2:2).Dastlabki o‘yin: 0:2
“Monako” (Fransiya) — “Vilyarreal” 1:0
Gol: Fabino, 90+1-pen (1:0).Dastlabki o‘yin: 2:1
“Roma” (Italiya) — “Portu” (Portugaliya) 0:3
Gollar: Felipe, 8 (0:1). Migel Layyun, 73 (0:2). Xesus Korona, 75 (0:3).Chetlatishlar: Daniele de Rossi, 39 (R). Emerson, 50 (R).Dastlabki o‘yin: 1:1
“Legiya” (Polsha) — “Dandol” (Irlandiya) 1:1
Gollar: Benson, 19 (0:1). Kuxarchik, 90 (1:1).Dastlabki o‘yin: 2:0
Izoh (0)