Кеча — 23 август куни футбол бўйича Европа Чемпионлар Лигасининг гуруҳ босқичига йўлланма олиши керак бўлган 10 та клубдан 5 тасининг номи аниқ бўлди.
Италия вакили «Рома» Чемпионлар Лигаси билан хайрлашди. Сафарда «Порту» билан 1:1 ҳисобида дуранг ўйнаган Рим клуби, ўз майдонида жавобсиз 3 та гол қабул қилиб олди. Беллашувнинг 50-дақиқасига келиб польшалик ҳакам Шимон Морчиняк А серия клубининг икки нафар футболчисини майдондан четлатиб улгурганди.
Испания Ла Лигасининг сўнгги мавсумини кучли тўртликда якунлаган «Вильярреал» ҳам халқаро майдондаги иштирокини «Рома» каби Европа Лигасида давом эттиради. «Сариқ сувости кемаси» «Монако»дан ҳар икки ўйинда ҳам енгилиб, қитъа клубларининг энг нуфузли турнири гуруҳ босқичи билан хайрлашди.
Европа Чемпионлар Лигасининг гуруҳ босқичига Болгариянинг «Лудогорец», Шотландиянинг «Селтик» ҳамда Польшанинг «Легия» клублари ҳам йўлланма олди.
Бугун — 24 август куни гуруҳ босқичида иштирок этиши керак бўлган сўнгги беш клуб номига ойдинлик киритилади.
Европа Чемпионлар Лигаси Плей-офф раунди 23 август, сешанба
«Хапоэл Баэр-Шева» (Исроил) — «Селтик» (Шотландия) 2:0
Голлар: Саар, 21 (1:0). Хобан, 48 (2:0).Дастлабки ўйин: 2:5
«Виктория Пльзен» (Чехия) — «Лудогорец» (Болгария) 2:2
Голлар: Дюриш, 7 (1:0). Вура, 16 (1:1). Матею, 64 (2:1). Кешерю, 90 (2:2).Дастлабки ўйин: 0:2
«Монако» (Франция) — «Вильярреал» 1:0
Гол: Фабиньо, 90+1-пен (1:0).Дастлабки ўйин: 2:1
«Рома» (Италия) — «Порту» (Португалия) 0:3
Голлар: Фелипе, 8 (0:1). Мигел Лайюн, 73 (0:2). Хесус Корона, 75 (0:3).Четлатишлар: Даниэле де Росси, 39 (Р). Эмерсон, 50 (Р).Дастлабки ўйин: 1:1
«Легия» (Польша) — «Дандол» (Ирландия) 1:1
Голлар: Бенсон, 19 (0:1). Кухарчик, 90 (1:1).Дастлабки ўйин: 2:0
Изоҳ (0)