Rio—2016 Olimpiadasida o‘z yurishini 1/8 finaldan boshlab, yakunda yarim finalga qadar yetib kelgan o‘zbekistonlik Murodjon Ahmadaliyev hal qiluvchi jang yo‘lida ringga ko‘tarildi.
Foto: MOQ matbuot xizmati
Turnirdagi ishtirokini qozog‘istonlik Qayrat Yeraliyevni mag‘lub etish bilan boshlagan Ahmadaliyev, chorak finalda argentinalik Alberto Melianni 1-raundning o‘zidayoq nokautga uchratgandi. Final oldidan u kubalik Robeysi Ramiresga qarshi jang qildi.
Mazkur jangda o‘zbekistonlik charm qo‘lqop ustasi ochkolar bo‘yicha imkoniyatni boy berib qo‘ydi va Rio Olimpiadasini bronza medali bilan yakunladi. Shu tariqa O‘zbekiston delegatsiyasining turnirdagi medallari soni 8 taga yetdi: 2 ta oltin, 1 ta kumush va 5 ta bronza.
