Aktrisa Lola Eltoyeva nega reklama va kliplarda deyarli suratga tushmasligini “Kinorama.uz” saytiga bergan intervyusida izohlab o‘tdi. Bu haqda “Darakchi.uz” xabar bermoqda.
“Hozircha tushgan takliflarga rad javobini beryapman. Bu men klip va reklamalarda rol ijro qilmayman, degani emas. Agar har tomonlama meni qoniqtiradigan ssenariy bo‘lsa, klip yoki reklamaga tanlangan mavzu meni qiziqtirsa, kichkina epizod bo‘lsa-da, yurakni jizzillatadigan nimasidir bo‘lsa men uni ijro etaman. Kichkinagina ikki daqiqalik reklamaga ham butun boshli asarday qarayman. U butun vujudimni shunday qamrab olishi kerakki, men ijro qilgan rolimdan qoniqishim lozim. Qanday rol bo‘lishidan qat’iy nazar, ijodkor sifatida mening ochilmagan qirralarimni namoyon qilishi kerak. Mabodo shunaqa ta’sirli rol taklif qilishsa, o‘ylab ko‘rishim mumkin”, — dedi aktrisa.
Izoh (0)