Xonanda Shohjahon Jo‘rayevning Instagram’dagi sahifasi — @_shoh___jahon_’ni o‘ziga qaytarib oldi. Bu haqda xonandaning ma’muri Shuhrat Usmonov jurnalist Feruz Muhammadga ma’lum qildi.
“Xonandaning profilini kim egallab olganini aniqlay olmadik. Texnik mutaxassislar yordami bilan profilni qaytarib olishga muvaffaq bo‘lik. Bunday hodisa avval ham bo‘lgan edi, endi yanada ehtiyotkorroq bo‘lamiz”, — dedi Shuhrat Usmonov.
“Hozir profil ijodiy jamoamiz tomonidan boshqarilmoqda. Aksariyat muxlislarimiz: ‘Bu Shohjahonning profili emas’, deb ishonmayapti. Ammo biz profilni qaytarib oldik va, yana qaytaraman — u ijodiy jamoamiz tomonidan boshqarilmoqda”, — deya qo‘shimcha qildi ma’mur.
Avvlaroq Shohjahon Jo‘rayevning Instagram’dagi sahifasi xakerlar tomonidan buzib kirilib, egallab olingani haqida xabar berilgan edi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)