Futbol. O‘zbekiston olimpiya terma jamoasini Rio—2016 dan qoldirib yuborgan koreyaliklar Fijiga 8 ta gol urdi

Rio—2016 Olimpiadasining erkaklar o‘rtasidagi futbol turniri ham start oldi va uning doirasida 1-tur bellashuvlariga yakun yasaldi.

“A” guruhida ishtirok etayotgan musobaqa mezboni va asosiy favorit Braziliya terma jamoasi turnirni ochko yo‘qotish bilan boshladi. Neymar boshchilik qilgan jamoa 90 daqiqa davomida JAR darvozasiga yo‘l topa olmadi. Uchrashuvning 59-daqiqasida afrikaliklar bir kishi kam qolsada, hisobni ushlab qolishga muvaffaq bo‘ldi — 0:0.

“A” guruhining ikkinchi uchrashuvida O‘zbekiston olimpiya terma jamoasining yo‘liga g‘ov bo‘lgan Iroq Yevropa vakili Daniya bilan golsiz durang qayd etdi — 0:0.

“B” guruhida ishtirok etayotgan Yaponiya terma jamoasi 1-turning eng qiziqarli o‘yinida ishtirok etib, Nigeriyadan 4:5 hisobida yengildi. Guruhdagi ikkinchi o‘yinda Shvetsiya hamda Kolumbiya termalari murosa ko‘chasini tanladi — 2:2.

1-turning eng yirik natijasini Janubiy Koreya termasi qayd etib, Fiji ustidan 8:0 hisobida zafar quchdi. Germaniya esa Meksika qarshiligini sindira olmadi — 2:2.

Afina va Pekin Olimpiadalari chempioni hisoblangan Argentina Rio-de-Janeyrodagi musobaqani mag‘lubiyat bilan boshladi. Portugaliyaga qarshi o‘yinda 0:2 hisobi qayd etildi. Gonduras esa Jazoirdan ustun keldi — 3:2.

Rio—2016. Futbol Erkaklar musobaqasi 1-tur bellashuvlari

“A” guruhi

Iroq — Daniya 0:0

Braziliya — JAR 0:0

Chetlatish: Motobi Mvala, 56 (J).

“B” guruhi

Shvetsiya — Kolumbiya 2:2

Gollar: Teofilo Guterres, 17 (0:1). Mikael Isxak, 43 (1:1). Astrit Aydarevich, 62 (2:1). Dorlan Pabon, 75-pen (2:2).

Nigeriya — Yaponiya 5:4

Gollar: Sodiq Umar, 6 (1:0). Sinzo Koroki, 9-pen (1:1). Ojenekaro Etebo, 11 (2:1). Takumi Minamino, 13 (2:2). Ojenekaro Etebo, 42 (3:2). Ojenekaro Etebo, 51-pen (4:2). Ojenekaro Etebo, 66 (5:2). Takuma Asano, 70 (5:3). Musasi Suzuki, 90+5 (5:4).

“C” guruhi

Meksika — Germaniya 2:2

Gollar: Oribe Peralta, 52 (1:0). Serj Gnabri, 58 (1:1). Rodolfo Pisarro, 62 (2:1). Mattias Ginter, 78 (2:2).

Fiji — Janubiy Koreya 0:8

Gollar: Ryu Sin Vu, 32 (0:1). Kvon Chan Xun, 62 (0:2). Kvon Chan Xun, 63 (0:3). Ryu Sin Vu, 64 (0:4). Son Xyon Min, 72-pen (0:5). Suk Yun Chjun, 77 (0:6). Suk Yun Chjun, 90 (0:7). Ryu Sin Vu, 90+3 (0:8).Noaniq penalti: Mun Chan Chin, 38 (J).

“D” guruhi

Portugaliya — Argentina 2:0

Gollar: Gonsalo Pasensiya, 66 (1:0). Pite, 84 (2:0).

Gonduras — Jazoir 3:2

Gollar: Romel Kioto, 13 (1:0). Marselo Pereyra, 33 (2:0). Sofian Bendebka, 68 (2:1). Entoni Losano, 79 (3:1). Bagdad Bunejax, 85 (3:2).