AQSh qurolli kuchlari 1 va 4-iyul kunlari Yamanda havo orqali “Al-Qoida Arabiston yarim orolida” terrorchilik guruhiga ikkita zarba yo‘lladi. Natijada to‘rt jangari yo‘q qilindi. Bu haqda AQSh qurolli kuchlarining Markaziy qo‘mondonligiga tayanib, “TASS” xabar bermoqda.
Ma’lum qilinishicha, havo orqali yo‘llangan zarbadan “Al-Qoida”ning 1-iyul kuni ikkita, 4-iyul kuni yana ikkita jangarisi o‘ldirildi. AQSh qurolli kuchlarining zarbasi ostiga aynan kimlar tushgani ma’lum qilinmagan.
Izoh (0)