Fransiya terma jamoasi o‘zi mezbonlik qilayotgan Yevro—2016 ning yarim finaliga yo‘llanma olgan to‘rtinchi jamoaga aylandi. Unga qadar Uels, Portugaliya va Germaniya termalari bu ishning uddasidan chiqa olgandi.
Chorak finalda Islandiyaga qarshi saf tortgan Fransiya terma jamoasi 5:1 hisobida zafar quchdi. O‘yinning birinchi bo‘limidayoq Didye Desham shogirdlari 4 ta gol farqi bilan oldinga chiqib olgandi.
Hisob 12-daqiqada Olivye Jiru tomonidan ochildi. 20-daqiqaga kelib Pol Pogba, 43-daqiqada Dimitri Payet, 45-daqiqada Antuan Grizmann kabi futbolchilar gol urishga muvaffaq bo‘ldi.
Ikkinchi bo‘limni ikki o‘zgarish bilan boshlagan Islandiya 56-daqiqada Kolbeyn Sigtorssonning goli bilan hisobni 1 taga qisqartirdi. Oradan uch daqiqa o‘tib esa Olivye Jiru dublni rasmiylashtirib, tabloda 5:1 ko‘rinishini yasadi.
O‘yinga mantiqiy yakun Birkir Byarnason tomonidan qo‘yildi. 84-daqiqadagi bu gol o‘yindagi so‘nggisi bo‘ldi — 5:2.
Yarim finalda Fransiya amaldagi jahon chempioni Germaniya bilan to‘qnash keladi. Ikkinchi juftlikda esa Uels va Portugaliya termalari o‘zaro hisob-kitob qiladi.
[wpse_match id="371792" show_title=1]
Izoh (0)