Samsung’ning yangi Galaxy Note 7 smartfoniga oid ilk rasmiy fotosuratlar taniqli insayder Evan Blass tomonidan Twitter’da chop etildi. Bu haqda “Hi-Tech.Mail.ru” xabar bermoqda.
Insayderlar muqaddam gadjetning “jonli” fotosuratini namoyish etgan edi. Matbuotga mo‘ljallab chiqarilgan suratlar undan farq qiladi.
Jumladan, frontal panel yuqori qismidagi uchta linza ko‘zning rangdor pardasi skaneri uchun deb taxmin qilingan edi. Press-fotoda esa yorug‘lik datchigi, frontal kamera va yana bir linza ko‘rinib turibdi; shu bois infraqizil skaner konstruksiyasi qayta ko‘rib chiqilib, uning hajmi qisqartirilgan bo‘lishi mumkinligi aytilmoqda.
Smartfon uch rangda chiqadi: qora oniks, kumushrang titan va ko‘k korall. Uning chetlari, Samsung Galaxy S7 edge’dagi kabi, ikki tomondan o‘tmassizlashtiriladi. Ekran diagonali, oldin taxmin qilingandek, 5,7 dyuym emas, 5,8 dyuymni tashkil etadi. Uskuna narxi 799 yevrodan boshlanadi.
Gadjetning texnik tavsifi:
Uskunaning Super AMOLED-ekrani o‘lchami — 2K. Smartfon ikki versiyada chiqariladi: 2,3 GGs chastotali Snapdragon 821 protsessoriga ega hamda 2,6–2,7 GGs chastotali Exynos 8 Octa 8893 protsessoriga ega versiyalar.Operativ xotira hajmi 6 GB bo‘lib, u 10 nanometrli LPDDR4 modulida joylashadi. Doimiy xotiraning minimal hajmi — 64 GB, shuningdek, 128 va 256 GB li hamda microSD kartalariga uchun slotlarga ega versiyalar chiqariladi.
Asosiy kamera o‘lchami — 12 Mp, frontal kamera — 5 Mp, akkumulyator sig‘imi — 4000 mA/soat. Uskuna Android 6.0 dasturiy ta’minotining yangilangan New Grace UX ko‘rinishida ishlaydi. Shuningdek, suvdan himoya qilingan korpusdagi smartfon USB Type-C portiga, S-Pen “aqlli” qalamiga ega bo‘lishi, Samsung Pay’ni qo‘llab-quvvatlashi mumkin.
Izoh (0)