Niderlandiyalik insayderlar “iPhone7.nl” portalida yangi iPhone 7 ga mo‘ljallangan quloqchinlarning ilk fotosuratini chop etdi. Suratdagi aksessuar an’anaviy Ear Pods singari dizaynga ega, ammo 3,5 millimetrli ulagich o‘rnini Lightning ulagichi egallagani bilan farqlanadi, deb xabar beradi “Hi-Tech.Mail.ru”.
Lightning portiga to‘g‘ri ulanish va dinamiklar soz ishlashi uchun quloqchinlar raqamli-muqobil o‘zgartirgich bilan ta’minlanishi talab etiladi. Fotodagi modelda mikrosxema Lightning ulagichi yaqinida joylashgan, shu bois uning o‘lchami biroz kengaygan.
Lightning portiga ulanish uchun Apple komplektga o‘tkazgich qo‘shib sotishi kutilmoqda.
Ilgariroq iPhone 7 da 3,5 millimetrli ulagich bo‘lmasligi tasdiqlangan edi.
Izoh (0)