Нидерландиялик инсайдерлар «iPhone7.nl» порталида янги iPhone 7 га мўлжалланган қулоқчинларнинг илк фотосуратини чоп этди. Суратдаги аксессуар анъанавий Ear Pods сингари дизайнга эга, аммо 3,5 миллиметрли улагич ўрнини Lightning улагичи эгаллагани билан фарқланади, деб хабар беради «Hi-Tech.Mail.ru».
Lightning портига тўғри уланиш ва динамиклар соз ишлаши учун қулоқчинлар рақамли-муқобил ўзгартиргич билан таъминланиши талаб этилади. Фотодаги моделда микросхема Lightning улагичи яқинида жойлашган, шу боис унинг ўлчами бироз кенгайган.
Lightning портига уланиш учун Apple комплектга ўтказгич қўшиб сотиши кутилмоқда.
Илгарироқ iPhone 7 да 3,5 миллиметрли улагич бўлмаслиги тасдиқланган эди.
Изоҳ (0)