Kanadaning Toronto shahridagi (Ontario provinsiyasi) tezkor trassalardan birida 12 ta avtomobilning to‘qnashib ketishi oqibatida besh kishi halok bo‘ldi. Bu haqda 25-iyun, shanba kuni CBC telekanali ma’lum qildi, deb xabar bermoqda “TASS”.
Politsiyaning ma’lum qilishicha, uch nafar katta kishi va ikki nafar bola qurbon bo‘lgan. Yana ikki kishi jarohatlar bilan shifoxonaga yotqizilgan. Shifokorlar ularning hayoti xavf ostida emasligini qayd etmoqda.
Toronto politsiyasi serjanti Kerri Shmidtning ma’lum qilishicha, “ba’zi avtomobillarga shunchalik shikast yetganki, ularni tanib bo‘lmaydi”. Avariya sabablari aniqlanmoqda.
Dastlabki ma’lumotlarga qaraganda, yengil avtomobil noma’lum sababga ko‘ra yuk mashinasining orqasidan urilgan, shundan so‘ng yana bir nechta mashina bilan to‘qnashgan.
Izoh (0)