Fransiya prezidenti Fransua Olland “Milliy front” yetakchisi Le Penning mamlakat Britaniya izidan borib, Yevroittifoq tarkibidan chiqishi haqida referendum o‘tkazish taklifini rad etdi, deb yozadi “RBK”.
25-iyun, shanba kuni prezident Yelisey saroyida Fransiya siyosiy partiyalari yetakchilarini, shu jumladan, “Respublikachilar” partiyasi rahbari Nikolya Sarkozi, “Fransiya demokratiyasi uchun ittifoq” yetakchisi Fransua Bayru va “So‘llar partiyasi” raisi Jan-Lyuk Melanshonni qabul qildi.
Uchrashuv chog‘ida Le Pen Fransiyada referendum o‘tkazish taklifi bilan chiqdi, bunga u rad javobi oldi. “Afsuski, prezident ‘yo‘q’ deb javob berdi. Biz buni ablahona xatti-harakat deb hisoblaymiz, fransuz xalqini aravaning beshinchi g‘ildiragi deb qabul qilish kerak emas, fikrimizcha”, — dedi “Milliy front” yetakchisi davlat rahbari bilan uchrashuvdan so‘ng.
23-iyun kuni Buyuk Britaniyada referendum o‘tkazildi, unda mamlakatning Yevroittifoq tarkibidagi taqdiri haqidagi savol qo‘yildi. Ishtirokchilarning ko‘pchiligi ittifoqdan chiqishni yoqlab ovoz berdi.
Izoh (0)