Madridning “Real” jamoasi “Yuventus” hujumchisi Alvaro Morataning transfer huquqini qayta sotib olishi haqida rasman e’lon qildi. Bu haqda madridliklar matbuot xazmatiga tayanib, “TASS” xabar bermoqda.
Qayd etilishicha, 23 yoshli futbolchi “Real”ga mavsumoldi yig‘inida kelib qo‘shiladi.
Morata “Real” klubi tarbiyalanuvichisi hisoblanadi. 2014-yilda u 20 million yevro evaziga “Yuventus”ga o‘tib ketgandi. Uning turinliklar bilan shartnomasi 2020-yilgacha davom etishi ko‘zda tutilgan edi.
Kelishuvga ko‘ra, “Qirollik klubi” futbolchini 30 million yevroga sotib olish huquqiga ega edi va madridliklar bu imkoniyatni ishga soldi.
O‘tgan mavsumda Alvaro Morata Italiya chempionatining 34 o‘yinida maydonga tushib, 7 ta gol kiritishga muvaffaq bo‘lgan.
Izoh (0)