O‘zbekistonning aksariyat hududlarida 15-iyun, chorshanba kuni qisqa muddatli yomg‘ir va kuchli shamol kuzatiladi. Bu haqda “O‘zgidromet” markazi xabar bermoqda.
Xabar berishlaricha, 15-iyun kuni O‘zbekistonning tog‘li hududlarida havo harorati +20...+25 daraja, Toshkent shahrida +35...+37 daraja issiq bo‘ladi.
Qoraqalpog‘iston Respublikasi, Xorazm, Buxoro, Navoiy viloyatlarida havo harorati +30...+35 daraja, Toshkent, Samarqand, Jizzax, Sirdaryo, Qashqadaryo, Surxondaryo, Andijon, Namangan va Farg‘ona viloyatlarida esa +33...+38 daraja issiq bo‘lishi kutilmoqda.
“O‘zgidromet” ma’lumotlariga ko‘ra, 15-iyun kuni Qoraqalpog‘iston Respublikasi va Xorazm viloyatidan boshqa O‘zbekistonning barcha hududlarida qisqa muddatli yomg‘ir, momaqaldiroq kuzatiladi, shamolning tezligi soniyasiga 15—20 metrgacha kuchayadi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)