Rossiyaning Krasnoyarsk o‘lkasida besh yoshli bolakay otasiga tegishli miltiqdan yetti yoshli akasini tasodifan otib qo‘ydi. Bu haqda Rossiya IIV o‘lka boshqarmasi matbuot xizmati vakili Artyom Kishkurin ma’lum qildi, deb xabar beradi “TASS”.
“Dudinka shahridan 300 kilometr uzoqlikda, Num-Yaxa manzilida baxtsiz hodisa sodir bo‘ldi. 33 yoshli erkak ovdan kelib, o‘qlab qo‘yilgan qurolini chanada qoldirgani, kichik o‘g‘li esa uni topib olib, tasodifan akasini otib qo‘yganini ratsiya orqali xabar berdi. Olingan jarohatlar oqibatida bola olamdan o‘tdi”, — deya ta’kidlagan Kishkurin.
Tergov-tezkor guruhining hodisa joyiga vertolyotda uchishi masalasi hal etilmoqda. Quruqlik orqali Num-Yaxaga borishning imkoni yo‘q, Taymirda muz ko‘chishi davom etayotgani sababli posyolkaga olib boradigan barcha yo‘llar suv ostida qolgan.
Izoh (0)