Shimoliy Koreya janubiy qo‘shnisining harbiy vakillari bilan yarim oroldagi keskinlikni pasaytirish maqsadida muzokaralar olib borishga tayyorgarlik yuzasidan ishchi uchrashuv o‘tkazishni taklif qildi. Bu haqda, Koreya markaziy telegraf agentligi xabariga asoslanib, “Gazeta.ru” xabar bermoqda.
Xabarnomada aytilishicha, Shimoliy Koreya harbiylarining tashabbusi ikki tomondan ham iliq kutib olindi.
Harbiy amaldorlar o‘rtasidagi muzokaralar may oyining oxirida yoki iyunning boshida, ikki tomon uchun ham qulay vaqtda o‘tkazilishi rejalashtirilmoqda.
“Bu shoshilinch ish koreys millatining mavjudligi bilan bevosita bog‘liqdir, bu Koreya yarim orolidagi harbiy keskinlikni tushirish va ikkinchi urushning oldini olish uchun zarur”, — deyiladi KXDR bayonotida.
Koreya Mehnat partiyasining 36 yildan buyon birinchi marta tashkil etilgan syezdida mamlakat rahbari Kim Chen In ikki Koreyaning kuch bilan birlashtirilishi mumkinligini aytib o‘tdi. Ayni paytda, u KXDR eski dushmanlari bilan munosabatlarni yaxshilashdan manfaatdorligini qo‘shimcha qildi.
Izoh (0)