O‘tgan hafta mobaynida O‘zbekiston hududida 127 ta yong‘in qayd etildi. Turli sabablarga ko‘ra sodir bo‘lgan yong‘inlarda ikki nafar fuqaro tan jarohati olgan va ikki nafar fuqaro halok bo‘lgan. Bu haqda O‘zbekiston Respublikasi IIV Yong‘in Xavfsizligi Bosh boshqarmasi matbuot xizmati xabar bermoqda.
Ushbu yong‘inlarda 275 million so‘mdan ortiq qurilish konstruksiyalari va 280 million so‘mga yaqin moddiy boyliklar yong‘indan saqlab qolingan.
Qashqadaryo viloyati Chiroqchi tumanida yashovchi fuqaro Sh.Murodovning uyida qozonda paxta yog‘ini dog‘lash uchun gaz plitasiga qo‘yib, uni nazoratsiz qoldirishi natijasida yong‘in sodir bo‘lgan. Yong‘indan uyning 12 kvadrat metr maydonda shift qismi yonib zararlangan hamda uy egasining turmush o‘rtog‘i, o‘g‘li va qizi kuyish tan jarohati olib shifoxonaga yotqizilgan.
Farg‘ona viloyati Quva tumanida yashovchi fuqaro B.Hoshimovning uyida elektr simlarning qisqa tutashuvi natijasida yong‘in sodir bo‘lib, uyning 80 kvadrat metr maydonda tomi va shift qismi yonib zararlangan.
Xorazm viloyati Xonqa tumanida yashovchi fuqaro J.Maqsudovning molxonasida elektr simlarning qisqa tutashuvi natijasida yong‘in sodir bo‘lib, molxonaning 65 kvadrat metr maydonda hamda qo‘shnisi molxonasining 20 kvadrat metr maydonda tom qismi va g‘amlab qo‘yilgan xashaklari yonib zararlangan.
Boshqarma bunday holatlarga yo‘l qo‘ymaslik uchun yong‘in xavfsizligi talablarini yoddan chiqarmaslikka chaqirmoqda.
Izoh (0)