Parij aeroportida Air France kompaniyasining ikki samolyoti to‘qnashib ketdi

Fransiyaning Air France aviakompaniyasiga tegishli ikki samolyot Parijning Ruassi — Sharl de Goll aeroportida to‘qnashib ketdi. Bu haqda “TASS” xabar bermoqda.

Senegal poytaxti Dakardan uchib kelgan Boeing 777-300ER uchuvchisi apparatni boshqarish jarayonida Tunisga uchishga hozirlik ko‘rayotgan Airbus A320 layneriga tegib ketdi. “Airlive.net” portalida chop etilgan fotosuratlarga ko‘ra, Airbus A320 ning dum qismiga zarar yetgan.

Jarohat olganlar haqida ma’lumot yo‘q.