11-may, chorshanba kuni Braziliyaning yaqin yillardagi taqdirini belgilab beradigan kunga aylanishi mumkin: mamlakat senatida davlat rahbari Dilma Russeffning iste’fosi masalasi ko‘rib chiqiladi. Bu haqda “RIA Novosti” xabar bermoqda.
Yig‘ilish mahalliy vaqt bilan 09:00 (Toshkent vaqti bilan 17:00) da boshlanadi, biroq masalaning ko‘rib chiqilishi kamida 10 soatdan oshiq vaqtni olishi kutilmoqda. Russeffning 180 kunga vaqtincha lavozimdan chetlatish uchun senatorlarning yarmidan ziyodi — kamida 41 kishining ovozi talab etiladi.
Shunday bo‘lgan taqdirda davlat rahbari vazifasini vaqtincha bajarish vitse-prezident Mishel Temerga o‘tadi, senat esa mazkur masalani Oliy sud rahbari raisligida yana bir bor ko‘rib chiqadi. Russeffning taqdiri shunda uzil-kesil hal bo‘ladi: senatorlarning uchdan ikki qismi (54 kishi) impichment uchun ovoz bersa, davlat rahbari lavozimidan ketadi.
Izoh (0)