OAV: Joze Mourinyo “Manchester Yunayted” bilan 2019-yilgacha mo‘ljallangan shartnoma imzoladi

Londonning “Chelsi” futbol klubi sobiq bosh murabbiyi Joze Mourinyo “Manchester Yunayted”ning yangi bosh murabbiyiga aylandi. Bu haqda, Bild nashriga tayanib, “Sports.ru” xabar bermoqda.

Manbaning ta’kidlashicha, portugaliyalik mutaxassis “Manchester Yunayted” bilan 2019-yilga qadar mo‘ljallangan shartnoma imzolagan. Ushbu kelishuv joriy mavsum yakunida kuchga kiradi va klubning amaldagi bosh murabbiyi Lui van Gal iste’foga chiqariladi.

Xabar qilinishicha, Mourinyoning yozgi transfer oynasidagi asosiy maqsadi “PSJ” hujumchisi Zlatan Ibragimovich bo‘lib turibdi. Avvalroq shvetsiyalik futbolchi Lui van Gal “MYu”ni tark etsa, mankunianlar safiga qo‘shilishga tayyor ekanini ma’lum qilgan edi.

Mavzuga oid:

• Mourinyo “Manchester Yunayted”da yiliga 20 million yevrodan ziyod maosh oladi
• Joze Mourinyo Suriya terma jamoasini boshqarish taklifini rad etdi