So‘nggi yangiliklar
    • USD 12200.12
    • RUB 125.4
    • EUR 12949.21
    Sport

    APL, 31-tur. Manchester derbisida “Yunayted” zafar quchdi

    2083

    Futbol bo‘yicha Angliya Premyer-ligasi 31-tur markaziy uchrashuvida “Manchester Yunayted” hamshahari — “Manchester Siti” ustidan zafar quchdi. Bellashuvdagi yagona gol 16-daqiqada 18 yoshli Markus Rashford tomonidan kiritildi.

    Foto: Getty Images

    Foto: Getty Images

    Rashford “Arsenal”ga qarshi bo‘lib o‘tgan markaziy o‘yinda dubl qayd etgandi. Hozirga qadar boshlang‘ich tarkibdan 4 marta joy olgan hujumchi gollari sonini 3 taga yetkazib oldi.

    Mazkur g‘alaba “Yunayted” ochkolari sonini 50 taga yetkazdi. Xuddi shuncha ochko bilan “Vest Xem” 5-o‘rinni egallab turgan bo‘lsa, to‘plar nisbatiga ko‘ra “Yunayted” bitta past pog‘onada joylashgan. “Siti” esa 51 ochko bilan kuchli to‘rtlikni yakunlab turibdi.

    Mamlakat chempionligi uchun kurash olib borayotgan Londonning “Tottenxem” klubi yirik g‘alabani qo‘lga kiritdi. Unda dubl qayd etgan Harri Keyn gollari sonini 21 taga yetkazib, to‘purarlar poygasida Jeymi Vardidan o‘zib ketdi. Bir yil avval Keyn 21 ta gol urish uchun 34 ta o‘yinda maydonga tushgandi. Bu safar unga 31 ta bellashuv kifoya qildi.

    Angliya Premyer-ligasi 31-tur uchrashuvi 20-mart, shanba

    “Manchester Siti” — “Manchester Yunayted” 0:1 Gol: Markus Rashford, 16 (0:1).

    “Manchester Siti”: Jo Xart (Villi Kabalero, 50), Bakari Sanya, Gael Klishi, Martin Demichelis (Uilfrid Boni, 53), Elyakim Mangala, Fernandino, Hesus Navas, Yaya Ture, David Silva, Rahim Sterling (Fernando, 26), Serxio Aguero.

    “Manchester Yunayted”: David de Xea, Matteo Darmian (Timoti Fosu-Mensa, 84), Markos Roxo (Luis Antonio Valensiya, 63), Kris Smolling, Deyli Blind, Morgan Shneyderlen, Jessi Lingard, Maykl Kerrik, Xuan Mata (Bastian Shvaynshtayger, 77), Markus Rashford, Antoni Marsyal.

    “Tottenxem” — “Bornmut” 3:0 Gollar: Harri Keyin, 1 (1:0). Harri Keyn, 16 (2:0). Kristian Eriksen, 52 (3:0).

    “Suonsi” — “Aston Villa” 1:0 Gol: Federiko Fernandes, 53 (1:0).

    “Everton” — “Arsenal” 0:2 Gollar: Denni Uelbek, 7 (0:1). Aleks Ayuobi, 42 (0:2).

    “Kristal Pelas” — “Lester” 0:1 Gol: Riyoz Mahrez, 34 (0:1).

    “Chelsi” — “Vest Xem” 2:2 Gollar: Manuel Lansini, 17 (0:1). Sesk Fabregas, 45+3 (1:1). Endi Kerroll, 61 (1:2). Sesk Fabregas, 89-pen (2:2).

    “Vest Bromvich” — “Norvich” 0:1 Gol: Robert Breydi, 50 (0:1).

    “Uotford” — “Stok Siti” 1:2 Gollar: Jonatan Uolters, 18 (0:1). Xoselu, 51 (0:2). Troy Dini, 86 (1:2).