Tayvanda sodir bo‘lgan zilzila qurbonlari soni 35 kishiga yetdi

Tayvanning Taynan maxsus munitsipalitetida sodir bo‘lgan kuchli zilzila oqibatida qurbonlar soni 35 kishiga yetdi, yana 110 kishi bedarak yo‘qolgan, deb hisoblanmoqda. Bu haqda Xitoyning “Sina” portali bergan ma’lumotlarga asosan “TASS” xabar qilmoqda.

6,4 magnitudali zilzila 6-fevral, shanba kuniga o‘tar kechasi sodir bo‘lgan. Taynan munitsipalitetida o‘nga yaqin qurilmalar vayron bo‘lgan. Yer osti silkinishlari Gaosyun shahri va Pindun va Szyai uyezdlarida ham sezilgan bo‘lsa-da, jiddiy zarar keltirmagan.

Eslatib o‘tamiz, zilzila oqibatida qurbonlar soni 31 kishiga yetganligi xabar qilingan edi.