Rossiyaning Tu-22M3 bombardimonchi samolyotlari hafta davomida Suriyaga 24 marta parvoz qildi
Rossiyaning uzoq masofaga uchuvchi Tu-22M3 bombardimonchi samolyotlari hafta davomida Rossiya hududidan Suriyadagi terrorchilarga qarshi 24 marta parvoz qildi. Bu haqda Mudofaa vazirligi rasmiy vakili Igor Konashenkov ma’lumotiga tayanib, “RBK” xabar beradi.
Uning so‘zlariga qaraganda, Tu-22M3 bombardimonchi samolyotlari va Suriyadagi Xmeymim aviabazasidan harakatga keltiriluvchi tezkor-taktik aviatsiya samolyotlarining hamkorlikdagi aviazarbalari natijasida Suriyaning jangarilar tomonidan qamal qilingan Deyr az Zor shahrida terrorchilarning 23 ta marrasi tor-mor etilgan.
Rossiya aviatsiyasi hafta davomida Suriyadagi terrorchilarga qarshi jami 468 ta jangovar parvozni amalga oshirib, Suriyaning sakkizta provinsiyasidagi terrorchilarning 1,35 mingta obyekti bo‘yicha zarba bergan.
