Россиянинг Ту-22М3 бомбардимончи самолётлари ҳафта давомида Сурияга 24 марта парвоз қилди
Россиянинг узоқ масофага учувчи Ту-22М3 бомбардимончи самолётлари ҳафта давомида Россия ҳудудидан Суриядаги террорчиларга қарши 24 марта парвоз қилди. Бу ҳақда Мудофаа вазирлиги расмий вакили Игорь Конашенков маълумотига таяниб, «РБК» хабар беради.
Унинг сўзларига қараганда, Ту-22М3 бомбардимончи самолётлари ва Суриядаги Хмеймим авиабазасидан ҳаракатга келтирилувчи тезкор-тактик авиация самолётларининг ҳамкорликдаги авиазарбалари натижасида Суриянинг жангарилар томонидан қамал қилинган Дейр аз Зор шаҳрида террорчиларнинг 23 та марраси тор-мор этилган.
Россия авиацияси ҳафта давомида Суриядаги террорчиларга қарши жами 468 та жанговар парвозни амалга ошириб, Суриянинг саккизта провинциясидаги террорчиларнинг 1,35 мингта объекти бўйича зарба берган.
