AVG tadqiqot kompaniyasi ekspertlari eng ko‘p mobil trafik “yeydigan” mobil dasturlarning o‘ziga xos reytingini tuzdi. Bu haqda “Mobinfo.uz” xabar bermoqda.
Ma’lum bo‘lishicha, butun dunyo bo‘yicha mobil internet foydalanuvchilari eng ko‘p trafikni beshta mobil dasturga, jumladan, Facebook, Instagram, YouTube, Tumblr va Spotify’ga sarflaydi.
Qayd etishlaricha, reytingda dastlabki uch o‘rinni band etgan dasturlar — Facebook, Instagram va YouTube nafaqat ko‘p trafik iste’mol qiladi, shu bilan birga smartfon quvvatini “yeb bitiradi”, mobil qurilma xotirasida ko‘p joy egallaydi.
Reytingda keyingi o‘rinlarni turli videoo‘yinlar egallagan, ular ham nisbatan ko‘p trafik va batareya quvvatining sarflanishiga sabab bo‘ladi. Masalan, mashhur Plants vs Zombies videoo‘yini smartfon xotirasida egallaydigan joyi hajmi bo‘yicha mobil dasturlar orasida birinchi o‘rinni egallagan.
Izoh (0)