Amerika har doim eng dadil va aqlbovar qilmas rejalarni amalga oshirish mumkin bo‘lgan makon, deb hisoblab kelingan. Shuningdek, eng zo‘r chizburgerlar va dunyoni qutqarib qolishga bag‘ishlangan eng shov-shuvli filmlar ham aynan shu yerda tayyorlanadi, deb yozadi TravelAsk.
Biroq bunday ajoyib mamlakatlar Yer yuzida oz emas — bu mamlakatlarda shunchaki yashash va ishlash uchun kelgan kishilarni do‘stona kutib olishadi, rejalarni amalga oshirish, orzularni ro‘yobga chiqarish uchun imkoniyat va sharoitlar taqdim etishadi.
Expat Explorer’ning so‘nggi hisoboti va jahon bo‘ylab 21 950 nafar ekspat (chet eldan taklif qilingan xodim) o‘rtasida hayot sifati, lavozim o‘sishi uchun eng yaxshi sharoitlar va xavfsiz yashash ko‘rsatkichlari bo‘yicha o‘tkazilgan so‘rovnoma yakunlariga ko‘ra, dastlabki ikki o‘rinni Singapur va Yangi Zelandiya qo‘lga kiritdi.
Singapur xavfsizlik va moliyaviy ishlarni yuritish masalasida maqtovlar ostida qolgan bo‘lsa, Yangi Zelandiya ishbilarmonlar uchun eng yaxshi mamlakat hamda sog‘liqni saqlash va integratsiya masalasida yetakchi sifatida tan olindi. Ish va turmushning eng maqbul muvozanatini o‘rnatishga muvaffaq bo‘lgan Shvetsiya esa uchinchi bo‘ldi.
Yashash uchun eng maqbul mamlakatlarning to‘liq ro‘yxati esa quyidagicha:10. Shveysariya
9. Birlashgan Arab Amirliklari
8. Tayvan
7. Avstraliya
6. Kanada
5. Germaniya
4. Bahrayn
3. Shvetsiya
2. Yangi Zelandiya
1. Singapur
Izoh (0)