Aleksandr Lukashenko: Rossiya va Turkiya bir-biri tomonga hech yo‘q yarim qadam tashlashi lozim

Belarus prezidenti Aleksandr Lukashenko neytralitet siyosati bo‘yicha xalqaro konferensiyada so‘zga chiqar ekan, Rossiya va Turkiyani “bir-biri tomonga hech yo‘q yarim qadam tashlash” va mamlakatlar o‘rtasidagi iliq munosabatlarni tiklashga chaqirdi. Bu haqda “Gazeta.ru” xabar bermoqda.

“Xatolar ilojsiz ro‘y beradi, ularni chuqurlashtirmasdan, hal etish, murosaga borish zarur. Bu Rossiya va Turkiya o‘rtasidagi oxirgi mojaroga ham taalluqli. Hissiyotlarni jilovlash, bir-biri tomonga hech yo‘q yarim qadam tashlash imkoniyatini topish lozim. Shunda muammolar yechimi topiladi, bu xalqlar va davlatlar orasida bo‘lgan va albatta bo‘ladigan yaqin aloqalar tiklanadi”, — deya ta’kidlagan Belarus prezidenti.