OAV: Turkiya Iroqdan harbiylarini olib chiqib ketmasligini ma’lum qildi

Turkiya rasmiylari, Bag‘dod talabiga qaramay, o‘tgan haftada Iroq shimolida joylashtirilgan harbiy xizmatchilarini olib chiqib ketmaydi. Bu haqda AFP manbalariga tayanib, “TASS” xabar bermoqda.

“Bu muzokaralarga bog‘liq, biroq o‘sha joydagi zobitlarimiz xabarlari, faoliyat olib borayotgan turli guruhlar talabi, markaziy hukumat bilan muhokamalarimiz va Iroq Kurdistoni hukumati bilan muzokaralarimizdan kelib chiqadigan bo‘lsak, kuchlarimiz qolishi aniq”, — deya ma’lum qilgan agentlikka Turkiyadagi rasmiy manba.

Eslatib o‘tamiz, Iroq bosh vaziri Haydar al-Obodiy Anqaradan Iroq hududidagi qo‘shinlarini 48 soat ichida olib chiqib ketishini talab qilib, aks holda jiddiy choralar ko‘rilishi to‘g‘risida ogohlantirgandi.