So‘nggi uch hafta ichida Eron janubi-g‘arbidagi ikkita provinsiyada cho‘chqa grippidan 33 kishi vafot etdi, deya xabar bermoqda “TASS” AFP agentligiga tayanib.
Uning ma’lumotlariga ko‘ra, 28 kishi Kerman provinsiyasida, yana besh nafari Siston va Belujiston provinsiyasida hayotdan ko‘z yumgan. Eron sog‘liqni saqlash vazirligi, o‘z navbatida, virus mamlakatning boshqa hududlari, shu jumladan, Tehronga ham tarqalib ketishi mumkinligi haqida ogohlantirmoqda.
Cho‘chqa grippining avj olishi bu yil Hindistonda ham qayd etildi. Yil boshidan buyon Hindistonning markaziy va shimoli-g‘arbiy qismlarida ushbu kasallik tufayli 2 mingdan ortiq kishi vafot etdi.
Izoh (0)