Android uchun mo‘ljallangan ommabop ICQ messenjeri boshqa shu kabi dasturlarda mavjud bo‘lmagan bir qator funksiyalarga ega bo‘ldi. Bu haqda “Hi-tech.mail.ru” xabar beradi.
ICQ dasturining yangi versiyasida video ulanishni sozlashdan avval old kamera tasvirini oldindan ko‘rish funksiyasi paydo bo‘ldi. Bu funksiya orqali qizlar “Ko‘rinishim qanaqa?” savoliga javob olish, yigitlar esa veb-kamera holatini tekshirib ko‘rish imkoniga ega bo‘ldi.
Bundan tashqari, ma’lum bir foydalanuvchi bilan yozishmalarni izsiz o‘chirish funksiyasi qo‘shildi. Ma’lumotlar nafaqat dasturdan, balki serverdan ham o‘chiriladi, demak, suhbatni oq qog‘ozdan boshlash mumkin bo‘ladi.
Ishlab chiqaruvchilar chaqiruv tugmasini so‘zlashuv oynasining ichiga joylashtirdi. Bu esa chatda qoldirilgan xabar yuzasidan shu zahoti qo‘ng‘iroqlashish va izohlash imkonini beradi.
Va nihoyat, Android uchun mo‘ljallangan yangi ICQ dasturida chatda foydalanish qulay bo‘lgan yangi kattalashtirilgan emodzilar paydo bo‘ldi. Dasturni Google Play’dan yuklab olish mumkin.
Izoh (0)