Android учун мўлжалланган оммабоп ICQ мессенжери бошқа шу каби дастурларда мавжуд бўлмаган бир қатор функцияларга эга бўлди. Бу ҳақда «Hi-tech.mail.ru» хабар беради.
ICQ дастурининг янги версиясида видео уланишни созлашдан аввал олд камера тасвирини олдиндан кўриш функцияси пайдо бўлди. Бу функция орқали қизлар «Кўринишим қанақа?» саволига жавоб олиш, йигитлар эса веб-камера ҳолатини текшириб кўриш имконига эга бўлди.
Бундан ташқари, маълум бир фойдаланувчи билан ёзишмаларни изсиз ўчириш функцияси қўшилди. Маълумотлар нафақат дастурдан, балки сервердан ҳам ўчирилади, демак, суҳбатни оқ қоғоздан бошлаш мумкин бўлади.
Ишлаб чиқарувчилар чақирув тугмасини сўзлашув ойнасининг ичига жойлаштирди. Бу эса чатда қолдирилган хабар юзасидан шу заҳоти қўнғироқлашиш ва изоҳлаш имконини беради.
Ва ниҳоят, Android учун мўлжалланган янги ICQ дастурида чатда фойдаланиш қулай бўлган янги катталаштирилган эмодзилар пайдо бўлди. Дастурни Google Play’дан юклаб олиш мумкин.
Изоҳ (0)