“Real” (Madrid) klubi hujumchisi Krishtianu Ronaldu oldinroq Facebook’dagi sahifasida braziliyalik model Alessandra Ambrozio bilan birga tushgan suratini joylashtirgan edi. Endi esa futbolchi Ambrozio ishtirokidagi videorolikni ham e’lon qildi, deya xabar beradi “Stadion.uz”.
Ushbu rolikda ular yangi loyiha ustida ishlayotgani va tez orada bundan barchani xabardor qilishlari haqida gapirgan. “Hozir ajoyib loyihada suratga tushyapmiz, — deya ta’kidlagan Ronaldu. — Alessandra bilan ishlash maroqli kechmoqda. U ajoyib, go‘zal va fantastik ayol”.
Model ham maqtovda futbolchidan qolishmagan. Uning aytishicha, “Krishtianu ajoyib yigit. Biz u bilan vaqtimizni maroqli o‘tkazyapmiz. Loyihamiz haqida tez orada xabardor bo‘lasiz, hozircha hammasi sir”.
Izoh (0)