“O‘zbekenergo” aksiyadorlik jamiyati 2015-yil 1-oktabrdan elektr energiyasining narxlari oshganini ma’lum qildi. Bu haqda UzDaily xabar bermoqda.
Qayd etishlaricha, 1 kilovatt/soat elektr energiya narxi 8 foizga o‘sib, 155 so‘mdan 167,40 so‘mga chiqqan.
Elektr plitalar bilan jihozlangan turar-joy aholisi uchun esa elektr energiya narxi 77,5 so‘mdan 83,7 so‘mgacha qimmatlashgan (o‘sish — 8 foiz).
“O‘zbekenergo”ning izohlashicha, elektr energiya tariflarining qimmatlashuvi yoqilg‘i-energiya boyliklarining tannarxi oshishi bilan bog‘liq.
Eslatib o‘tamiz, elektr energiya tariflari oxirgi marta 2015-yil 15-mayida oshirilgan edi.
Izoh (0)