Germaniya hukumati muhojirlar oqimining keskin oshib ketgani munosabati bilan Shengen shartnomasini to‘xtatib qo‘yish imkoniyatidan foydalanishi mumkin. Bu haqda, “Novaya gazeta” xabariga ko‘ra, Germaniya ichki ishlar vaziri Tomas de Mezyer ma’lum qildi.
Uning so‘zlariga ko‘ra, ba’zi mamlakatlardan kelayotgan muhojirlar tomonidan Shengen shartnomasi tamoyillarining buzilayotgani vizasiz hududning barqaror faoliyat olib borishiga tahdid ko‘rsatmoqda. “Biz, ayniqsa, Germaniya Shengenni qo‘llab-quvvatlaydi, biroq hech kim qonunga rioya etmasa, Shengen xavf ostida qoladi”, — dedi Germaniya IIV rahbari.
Bu yil Germaniyaning migratsiya organlariga boshpana taqdim etishni so‘rab 800 mingga yaqin iltimosnoma kelib tushishi taxmin qilinmoqda. Bu Yevropaning qolgan mamlakatlaridagi ko‘rsatkichdan sezilarli ko‘p. Tomas de Mezyer Shengen hududiga kirmaydigan Buyuk Britaniyani ham ko‘proq muhojirlarni qabul qilishga chaqirdi.
Yevropa Ittifoqining tashqi chegaralari xavfsizligi bo‘yicha agentligi — Frontex ma’lumotlariga ko‘ra, 2015-yil boshidan beri Yevropa Ittifoqiga 340 mingga yaqin noqonuniy muhojir keldi. Avvalroq Yevropaning ko‘plab mamlakatlari hukumatlari muhojirlarning katta oqimiga qarshi chora tola olmayotganini ma’lum qilgandi.
Izoh (0)