OAV: Xitoy shimolida do‘l yog‘ishi natijasida 6 kishi halok bo‘ldi

XXR shimolidagi Ichki Mo‘g‘uliston avtonom hududida oxirgi bir necha kun davomida do‘l yog‘ishi natijasida 6 kishi halok bo‘ldi, yana 43 ming kishi jabrlandi. Bu haqda “TASS” xabar beradi.

Ma’lumotlarga qaraganda, 8,8 ming gektar maydondagi qishloq xo‘jalik ekinlari zarar ko‘rgan. Mahalliy hukumat 200 ga yaqin kishini xavfsiz hududlarga evakuatsiya qildi. Yog‘ingarchilik natijasida mamlakat iqtisodiyotiga 62 million yuan (9,98 million dollar) zarar yetdi.

Hodisa joyiga qutqaruvchilar yuborildi.