Murmanskda kelin-kuyov to‘yiga tashrif buyurgan mehmonlardan ularga gul emas, uysiz hayvonlar uchun ozuqa o‘ramlarini sovg‘a qilishni iltimos qildi. Bu haqda “RIA Novosti” uysiz hayvonlar fondi rahbari Olga Shirinaning ma’lumotiga tayanib xabar bermoqda.
“Biz erim bilan oilaviy hayotimizni ezgu ish bilan boshlashga qaror qildik. Bu g‘oyani boshqa yoshlar ham davom ettiradi deb umid qilamiz”, — deydi kelin.
Shirinaning so‘zlariga qaraganda, hozirda "Odam qidirmoqdaman" fondida 250 ga yaqin mushuk, it, quyon va toshbaqa kabi uysiz hayvonlar mavjud. U yerda hayvonlarni ozuqa bilan ta'minlash va ularga vaqtinchalik boshpana beruvchi kishilarning xizmati uchun kerak bo‘ladigan mablag‘ni to‘plash maqsadida muntazam ravishda aksiyalar o‘tkazib turiladi.
Izoh (0)