Bugun,

  • USD 11095.31
  • RUB 173.84
  • EUR 10772.44

Yaponiyaning Nagasaki prefekturasida Henn-na nomli robotlar xizmat qiladigan dunyodagi birinchi mehmonxona ochildi. Bu haqda yapon matbuoti ma’lumotlari asosida “Korrespondent.net” xabar bermoqda.

Foto:

Foto: "Korrespondent.net"

Ayni paytda mehmonxonada sun’iy zakovatga ega o‘n “xodim” faoliyat boshlagan: uch ma’mur, to‘rt shveysar, ikki oqsoch va bir garderob uchun javob beruvchi. Mashinalar, shuningdek, kofe tayyorlash, xonani yig‘ishtirish, yangi choyshab va yostiq jildlar keltirish kabi yumushlarni ham bajaradi. Ularni chorlash uchun har bir mehmonga beriladigan, maxsus dastur bilan jihozlangan planshetdagi bir juft tugmani bosish kifoya.

Sun’iy aql vakillari yuraksiz mashinalarga insoniy qiyofa baxsh eta olgan Koroko kompaniyasi tomonidan ishlab chiqildi. Masalan, qabulxonadagi robotlar xuddi yapon qizlariga o‘xshaydi: nafas oladi, ko‘zini pirpiratadi, yapon, xitoy, koreys va ingliz tillarida bemalol gaplashadi.

Mehmonxona unchalik katta emas, bor-yo‘g‘i ikki qavat va 72 ta xonadan iborat. Agar g‘oya muvaffaqiyatli chiqib, Henn-na tanilib ketgudek bo‘lsa, mutaxassislar butun dunyo bo‘ylab mingga yaqin shunday mehmonxonalar ochishni rejalashtirgan.

Izoh
Asosiy yangiliklar
Mahalliy
O‘zbekistonda banan narxi oshib bormoqda. Endi meva iste’moli kamayadimi?
Mahalliy
O‘zbekistonning barcha hududlarida 10-dekabr yog‘ingarchiliksiz o‘tadi
Dunyo
Sovuq urushni boshlagan Cherchill, Chexiyadagi shifoxonada ommaviy qotillik va Chili diktatori Pinochetning o‘limi. Kun xronologiyasida 10-dekabr