Ramzan Qodirov rafiqasi bilan ajrashishi haqida qilgan hazili uchun onasidan gap eshitdi

Checheniston rahbari Ramzan Qodirov Gudermesdagi bolalar oziq-ovqat kombinati, konserva va go‘sht sexi, konditer fabrikasi va sut kombinatini borib ko‘rgani haqida “VKontakte” sahifasida ma’lum qildi.

U ushbu korxonalar faoliyatini maqtab, ular orqali import o‘rnini bosish muammosi hal bo‘layotganini yozgan.

“Jamoatchilikka qarata, bundan buyon dasturxonimda Chechenistondan tashqarida ishlab chiqarilgan mahsulotlar bo‘lmasligini e’lon qildim. Bu taqiqni buzsa, Medni Musayevna (rafiqasi) bilan ajrashishimni aytdim”, — deya qayd etgan Qodirov.

U uyga qaytgach, rafiqasi bilan ajrashishi haqidagi hazili uchun onasidan gap eshitganini ham qo‘shimcha qilgan.