Google asoschilaridan biri xotini bilan ajrashdi

Google kompaniyasi asoschilaridan biri Sergey Brin va 23andMe xususiy biotexnologiya kompaniyasi bosh direktorii Anne Voyjitski sakkiz yillik nikohdan so‘ng ajrashishdi. Wopular nashri xabariga ko‘ra, Santa-Klara okrug sudi ularning ajrimi may oyida ma’qullagan, biroq bu haqda endi ma’lum bo‘ldi.

OAV ma’lumotlariga ko‘ra, Brin hozirgi vaqtda ClearAccessIP patent kompaniyasi asoschisi hisoblangan Nikol Shanaxan bilan uchrashmoqda. Juftlik 2015-yil yozi o‘rtalarida Yamaykada to‘y qilishni rejalashtirmoqda.

Voyjitski va Brin o‘rtasida nikoh shartnomasi imzolangan bo‘lib, ajrim Google’ga sezilarli ta’sir qilmasligi kutilmoqda. Biroq, ajrashuvdan so‘ng Brin jahonning eng badavlat odamlari reytingida sezilarli sho‘ng‘ishi taxmin qilinmoqda. 2015-yilda uning boyligi qariyb 30 milliard dollarga baholangan edi.

Amalda Brin va Voyjitski juftligi 2013-yilda ajrashib bo‘lgandi. O‘shanda Brin Google Glass bo‘linmasida ishlovchi Amanda Rozenberg bilan uchrashayotganini tan olgandi. Keyinroq bu aloqalar ham uzildi, biroq Google asoschisi xotiniga qaytmadi. U hali ham sobiq turmush o‘rtog‘i bilan farzandlari bilan birga qo‘shni bo‘lib yashamoqda, bolalarni birgalikda tarbiyalashmoqda.

Sergey Brin Moskvada tug‘ilib, ota-onasi bilan AQShga ko‘chib o‘tgan amerikalik ishbilarmon va kashfiyotchidir. 1995-yil martida u Google kompaniyasiga asosan solgan, bu kompaniyaning bozor qiymati 2014-yil dekabrida butun Rossiya qimmatli qog‘ozlar bozori narxidan ham oshib ketdi.