Nyu-York federal sudi 23-iyun, seshanba kuni Blackshades xavfli virusi yaratuvchisi — shvetsiyalik 25 yoshli Aleks Yuselni to‘rt yil-u to‘qqiz oylik qamoqqa hukm qildi, deya xabar bermoqda “TASS”.
Ushbu virus bilan dunyoning 100 dan ortiq mamlakatidagi 500 mingta kompyuter zararlangan. Yuselga, shuningdek 200 ming dollar miqdorida jarima to‘lash yuklatildi.
E’lon qilingan ayblovga ko‘ra, Yusel virusni sotish bilan shug‘ullangan Blackshades nomli tashkilotga rahbarlik qilgan, u shu yo‘l orqali 350 ming dollar ishlab topgan.
Blackshades dasturini sotib olib, dunyoning istalgan burchagida kiberjinoyatchiga aylanish mumkin bo‘lgan. Blackshades foydalanuvchilarga uzoqdan turib har qanday kishining kompyuteridagi ma’lumotlarni: shaxsiy suratlar, hujjatlar va hatto onlayn parollarini qo‘lga kiritishiga imkon bergan.
Izoh (0)