Bugun,

  • USD 11095.31
  • RUB 173.84
  • EUR 10772.44

“Turkiston” saroyida “Fuqarolar yig‘inlarining eng namunali diniy ma’rifat va ma’naviy-axloqiy tarbiya masalalari bo‘yicha maslahatchisi” ko‘rik-tanlovining Toshkent shahar bosqichi bo‘lib o‘tdi. Bu haqda O‘zA xabar bermoqda.

“Turkiston” saroyi. Foto: Publika.uz

“Turkiston” saroyi. Foto: Publika.uz
2005-yildan buyon har yili an’anaviy tarzda o‘tkazib kelinayotgan “Fuqarolar yig‘inlarining eng namunali diniy ma’rifat va ma’naviy-axloqiy tarbiya masalalari bo‘yicha maslahatchisi” respublika ko‘rik-tanlovi ish tajribani atroflicha o‘rganish, tahlil etish, ishi ibratli deb topilgan maslahatchilar faoliyatini mamlakat miqyosida keng ommalashtirish imkonini bermoqda.

Bu yilgi tanlovda mahallalarda nuroniylarga hurmat va ehtirom ko‘rsatish, ularning boy hayotiy tajribasidan yosh avlod tarbiyasida, to‘y-hashamlarni ixcham, kamxarj tarzda o‘tkazishda keng foydalanish, yoshlarning mehnat bandligini ta’minlash, oilaviy ajrimlarning oldini olish bo‘yicha olib borilayotgan ishlarga asosiy e’tibor qaratildi.

Ko‘rik-tanlovning Toshkent shahar bosqichida diniy ma’rifat va ma’naviy-axloqiy tarbiya masalalari bo‘yicha maslahatchilarning ish faoliyati, keng omma, yoshlar, oilalar, xotin-qizlar bilan ishlashga doir bilim va mahorati, ko‘pchilikka ijobiy ta’sir ko‘rsatishi, milliy qonunchiligimiz, mamlakatimizdagi islohotlar jarayonini aholi ongiga yetkaza olish qobiliyati atroflicha o‘rganildi.

Tanlov jarayonida maslahatchilarning siyosiy, huquqiy bilimlari, turli murakkab hayotiy vaziyatlarda oqilona qaror qabul qilish salohiyatiga ham baho berildi.

Chilonzor tumanidagi “Chilonzor” mahalla fuqarolar yig‘inining diniy ma’rifat va ma’naviy-axloqiy masalalar bo‘yicha maslahatchisi Marhamat Maqsudova ko‘rik-tanlovning Toshkent shahar bosqichida birinchi o‘ringa munosib topilib, mamlakat bosqichida qatnashish huquqini qo‘lga kiritdi.

Tanlovning g‘olib va sovrindorlariga diplom va sovg‘alar topshirildi.

Izoh
Asosiy yangiliklar
Dunyo
“Daryo” kundaligida 9-dekabrda sodir bo‘lgan eng muhim voqealar
Dunyo
Qozog‘iston Rossiyaga zirhli texnika jo‘natishi haqida xabarlar tarqaldi (video)
Madaniyat
Shahzoda Garri va Megan Markl yangi hujjatli filmda Yelizavetta II ni masxaralab, qirollik oilasi a’zolarini irqchilikda aybladi (video)