Rim papasiga uning boshini uzib tashlash haqida tahdid qilishdi

Noma’lum shaxslar telefonda Rim papasi Fransisk va uning jiyaniga boshlarini tanasidan judo qilish haqida tahdid etmoqda, deb yozadi “Nur.kz”.

Rim papasining jiyani — argentinalik ruhoniy Valter Sivori ta’kidlashicha, u o‘ziga va amakisi Fransiskka qaratilgan qasos tahdidlarini olgan. Uning so‘zlariga ko‘ra, noma’lum kishi uning telefoniga bir necha marta qo‘ng‘iroq qilib, boshini uzib tashlashini aytgan va “seni bo‘lmasa, amakingni boshsiz qoldiraman”, — deya qo‘shib qo‘ygan.

Mahalliy OAVlar Rim papasiga kecha-kunduz politsiyachilar soqchilik qilayotganini xabar bermoqda. Bundan tashqari, huquq-tartibot organlari qo‘ng‘iroq qayerdan kelib tushgani va bezorining shaxsini aniqlash uchun tergov boshlagan.