Andijonda ayol kishiga pichoq bilan tahdid qilgan talonchi qo‘lga olindi

Noma’lum shaxs Andijon shahrida istiqomat qiluvchi ayolning yo‘lini to‘sdi, deb xabar qiladi “Postda” gazetasi.

Talonchi pichoq bilan tahdid qilib, ayoldan qulog‘idagi ziragini yechib berishini talab qildi. Biroq jabrlanuvchi baqirib yon-atrofdagilarni yordamga chaqirgach, zo‘ravon qochib ketdi.

Jabrlanuvchining xabari asosida zudlik bilan chora-tadbirlarni ko‘rgan ichki ishlar idoralari xodimlari jinoyatni “issiq izida” fosh etishga muvaffaq bo‘ldi. Mazkur jinoyatni sodir etgan andijonlik shaxs qo‘lga olindi.

Hozirda holat yuzasidan tergov harakatlari olib borilmoqda.