Номаълум шахс Андижон шаҳрида истиқомат қилувчи аёлнинг йўлини тўсди, деб хабар қилади «Постда» газетаси.
Талончи пичоқ билан таҳдид қилиб, аёлдан қулоғидаги зирагини ечиб беришини талаб қилди. Бироқ жабрланувчи бақириб ён-атрофдагиларни ёрдамга чақиргач, зўравон қочиб кетди.
Жабрланувчининг хабари асосида зудлик билан чора-тадбирларни кўрган ички ишлар идоралари ходимлари жиноятни «иссиқ изида» фош этишга муваффақ бўлди. Мазкур жиноятни содир этган андижонлик шахс қўлга олинди.
Ҳозирда ҳолат юзасидан тергов ҳаракатлари олиб борилмоқда.
Изоҳ (0)