Microsoft kompaniyasi o‘tgan haftada taqdim etilgan How-Old.net xizmatiga yuklangan suratlarni istalgan joyda chop etish huquqiga ega bo‘ladi, deb xabar bermoqda The Independent.
Xizmatdan foydalanish shartlarida yozilishicha, xizmatga rasm yuklanishi kompaniyaga undan internetdagi ishlarida foydalanish huquqini beradi. Qoidalar Microsoft’ga va uning filiallariga suratlarni chop etish, qayta ishlash va o‘zgartirishga ruxsat beradi. Shuningdek, rasm bilan birga ismingizni chop etishga ham ruxsat etiladi.
Microsoft ushbu xizmatga yuklangan suratlarga egalik huquqiga da’vo qilmasligini ma’lum qilgan. How-Old.net saytida shartlar to‘g‘ridan-to‘g‘ri berilmagan: saytning quyi qismidagi “Foydalanish qoidalari” Microsoft’ning bulut xizmatlaridan foydalanish shartlariga havola beradi (uning bir qismi sifatida), yoshni aniqlash xizmati aynan shu platformada ishlaydi.
Izoh (0)