UzMobile GSM, UMS, Ucell va Beeline internet paketlarini taqqoslaymiz
2015-yil 15-apreldan faoliyatini boshlaydigan UzMobile GSM tarmog‘i tomonidan taqdim etilayotgan oylik internet paketlarini O‘zbekistondagi boshqa GSM operatorlarining internet paketlari narxlari bilan taqqoslab ko‘rdik.
UzMobile 1 dollar evaziga 50 Mb internet taqdim etayotgan bo‘lsa, Ucell’da xuddi shu hajmdagi paket 1,25 dollar, Beeline’da 35 Mblik paket 1,2 dollar, 80 Mblik paket 2,2 dollar turadi. UzMobile’ning 150 Mblik paketini 2,5 dollarga, Ucell’ning shunday paketini 3 dollarga, Beeline’ning 125 Mblik paketini 3,2 dollarga sotib olish mumkin.
300 Mblik paket UzMobile’da 4,5 dollar, UMS’da 5 dollar turadi, Ucell’ning xuddi shu hajmdagi 4,5 dollarlik paketi hozirda amalda emas. Beeline esa 5,5 dollar evaziga 325 Mb taqdim etadi. Ucell 6 dollarga 500 Mb, Beeline 7,5 dollarga 525 Mb, UzMobile 7 dollarga 600 Mblik internet-paket taklif qiladi.
1000 Mblik paket Ucell’da 8, UMS’da 10 dollar turadi, Beeline’da 1100 Mblik paket 10 dollar, UzMobile’da 1200 Mblik paket 9,5 dollar turadi. Ucell 10 dollarga 1500 Mb, Beeline 13 dollarga 1700 Mb taqdim etadi.
UzMobile’ning 2400 Mblik paketi 14,5 dollar, Beeline’ning 2700 Mblik paketi 20 dollar, UMS’ning 3000 Mblik paketi 25 dollar turadi. Ucell’ning 2500 (16 dollar) va 4000 (25 dollar) Mblik paketlari hozir amalda emas.
Ucell’ning cheksiz internet to‘plami mavjud bo‘lib, 4000 Mbgacha maksimal tezlikda, keyin esa 16 kb/s tezlikda taqdim etiladi, ushbu paket narxi 25 dollar. UMS 35 dollarga 5000 Mb, Beeline 27 dollarga 3700 Mb, UzMobile 25 dollarga 6000 Mb va 40 dollarga 12000 Mblik paketlarni taqdim etadi.
Eslatib o‘tamiz, avvalroq UzMobile GSM tarmog‘ining tarif rejalari va “chiroyli raqamlari”ning narxlari ma’lum bo‘lgan edi.
